• Lbs_5343_4to,

Eyfirskir bæir

Guðmundur Júlíus Frímannsson 1975-1980

Teikningar þessar eru tilgátumyndir af torfbæjum sem stóðu í innanverðum Eyjafirði 1874-1946. Þær gerði Guðmundur Júlíus Frímannsson, kennari og skólastjóri á Hjalteyri. Upphaflega hóf hann þessa vinnu vegna þess að vinur hans bað hann um að teikna myndir af nokkrum bæjum fyrir sig eftir rannsóknum Jónasar Rafnar læknis, sem birtust í bók hans „Bæjalýsingar og teikningar úr Eyjafirði fram“ (útg. 1975). Jónas dró þar upp grunnriss bæjanna og þá herbergjaskipan sem þar var en fátt var þar að finna um eiginlegt útlit bæjanna.

Guðmundur hélt áfram að teikna bæjamyndirnar sér til gamans í frístundum sínum og mun hafa gert þær á áttunda áratug síðustu aldar. Hann byggði þær einkum á bók Jónasar en  naut einnig tilsagnar Sigurðar Gunnars Jóhannessonar kennara um suma þessara torfbæja. Þá hafði hann ljósmyndir af nokkrum bæjanna til að styðjast við. Teikningarnar eru allar merktar með nafni bæjanna og ártölum sem er að finna í bók Jónasar Rafnar.

Lbs 5343 4to

Landsbókasafn Íslands - Háskólabókasafn